2020 йилдан Ўзбекистонда экологик тоифаси паст ёқилғисига тақиқ жорий этилмоқда
![](/upload/resize_cache/iblock/b00/554_300_2/b00cedea7741dc31f0bd853358af904b.jpg)
Тошкент. 31 октябрь. ЎзТАГ – 2020 йилдан Ўзбекистонда экологик тоифаси паст ёқилғисига тақиқ жорий этилмоқда, деб хабар беради Ўзбек телеграф агентлиги (ЎзТАГ).
"2020 йил 1 январдан бошлаб "Евро-4"дан паст бўлган экологик тоифадаги двигател ёқилғисини ишлаб чиқариш бўйича янги қувватларни ишга тушириш тақиқлансин", – дейилади президентнинг "Ўзбекистон Республикаси атроф-муҳитни муҳофаза қилиш концепциясини 2030 йилгача тасдиқлаш тўғрисида"ги фармонида.
Ҳужжатга кўра, шунингдек, 2022 йил 1 январдан "Евро-3"дан паст тоифадаги ёқилғи ва 2023 йил 1 январдан "Евро-4"дан қуйи тоифали экокласс ёқилғи импорти ман қилинади.
Бундан ташқари, 2022 йил 1 январдан бошлаб Ўзбекистонга “Евро-4” экокласс талабларига жавоб бермайдиган газ, дизел ва бензинли двигателлар билан жиҳозланган “М” ва “N” тоифадаги транспорт воситаларини олиб кириш тақиқланади.
Сурат манбаи: sbagry.com