25-26 апрелда Ўзбекистон президентининг Россияга ташрифи бўлиб ўтади
Дата: 19:06, 22-04-2016.
Тошкент. 22 апрел. ЎзТАГ – 25-26 апрелда Владимир Путиннинг таклифига мувофиқ Ўзбекистон Республикаси президенти Ислом Каримовнинг Россияга ташрифи бўлиб ўтади. Бу ҳақида Кремль матбуот хизмати хабар қилди.
“Олий даражадаги учрашувда икки мамлакатнинг савдо-иқтисодий, илмий-техник ва гуманитар соҳалардаги ҳамкорлиги истиқболлари кўриб чиқилади”, - дейилади жума куни эълон қилинган хабарда.
Шунингдек, Россия ва Ўзбекистон президентлари халқаро ва минтақавий кун тартибидаги масалалар юзасидан фикр алмашадилар, МДҲ, ШҲТ ҳамда БМТ доирасидаги иқтисодий ва ўзаро ҳамкорлик масалаларини муҳокама қиладилар.
