41 ёшли ўзбек гимнастикачиси Оксана Чусовитина Ўзбекистон учун ҳар қандай медални қўлга киритишни орзу қилади

Тошкент. 23 август. ЎзТАГ – 41 ёшли ўзбек гимнастикачиси Оксана Чусовитина Ўзбекистон учун ҳар қандай медални қўлга киритишни орзу қилади, деб хабар беради Ўзбек телеграф агентлиги (ЎзТАГ).

“Мен тайёргарлик кўраман (2020 йилги Олимпиадага – ЎзТАГ). Агар уддалай олсам, ҳар қандай вазият бўлиши мумкинку! Албатта, тайёрланаман ва бораман. Менинг бир орзуим бор: у ҳам бўлса Ўзбекистон учун ҳар қандай медални қўлга киритиш”, - деди Чусовитина “Р-Спорт”га берган интервьюсида Токиода бўладиган кейинги Олимпиа ўйинлари ҳақидаги саволга жавоб бера туриб.

Олдин хабар қилингани каби, Чусовитина Рио-де-Жанейро Олимпиа ўйинларида спорт гимнастикасида таяниб сакрашда 7-ўринни эгаллади (14,833 балл). Ушбу йўналишда 1-ўринни АҚШлик Симона Байлз (15,966 балл), 2-ни россиялик Мария Пасека (15,253) ва 3-ни швейцариялик спортчи қиз Жулия Штайнгрубер (15,216) олди.

Маълумот ўрнида, Оксаны Чусовитина учун Рио Олимпиадаси унинг фаолиятидаги еттинчи шундай мусобақа бўлди. Турли йилларда у собиқ ССРИ, МДҲ, Германия ва Ўзбекистон термалари таркибида қатнашган.