66 ўзбек олий таълим муассасалари сайтлари глобал рейтинга қайд этилди

Тошкент. 9 феврал. ЎзТАГ – 66 ўзбек олий таълим муассасалари сайтлари Cybermetrics Lab испан тадқиқот гуруҳинингглобал рейтинида қайд этилди, деб хабар беради Ўзбек телеграф агентлиги (ЎзТАГ).

Олий таълим вазирлигидан маълум қилишларича, рейтинг бутун дунёдаги барча ўқув юртларини қамраб олган бўлиб, 2004 йилдан бери январ ва июлда ўтказилади. Бунда сайтнинг қидирув тизимларида мавжудлиги, гиперҳаволалар миқдори каби кўрсаткичлар инобатга олинади.

2016 йил рейтингида жаҳондаги 24 мингдан зиёд олий ўқув юртлари сайтларига баҳо берилган.

Тадқиқот гуруҳи таҳлилига кўра, ушбу рейтингда Ўзбекистон Миллий университети сайти миллий сегментда биринчи, Самарқанд давлат университети иккинчи, Самарқанд қишлоқ хўжалиги институти эса учинчи ўринда қайд этилган.

Қайд этиш зарурки, глобал рейтингда биринчи ўринни Гарвард университети сайти эгаллади. Иккинчи ўринда Стенфорд университети, учинчи ўринда эса Массачусетс технологик институти келтирилган.

Рейтингдаги сайтларнинг тўлиқ рўйхати билан вазирликнинг расмий порталида танишиш мумкин.