8 январда Ўзбекистонда прокуратура ходимлари куни байрам қилинади
Тошкент. 14 декабр. ЎзТАГ – 2017 йилда Ўзбекистонда яна бир касбий байрам – 8 январда нишонланувчи Прокуратура ходимлари куни байрам қилинади, деб хабар беради Ўзбек телеграф агентлиги (ЎзТАГ) Сенат томонидан маъқулланган тегишли қонунга асосланган ҳолда.
Сенаторлар 1992 йил 8 январ куни “Ўзбекистон Республикаси прокуратураси органлари тўғрисида”ги Ўзбекистон Республикаси Президентининг фармони қабул қилинганлигини қайд этдилар. Мустақиллик йилларида мамлакатимизда прокуратура органлари томонидан қонун устуворлигини таъминлаш, фуқароларнинг ҳуқуқлари ва эркинликларини, жамият ҳамда давлатнинг манфаатларини ҳимоя қилиш, жиноятлар ва ҳуқуқбузарликларнинг олдини олиш борасида катта ишлар амалга оширилди.
“8 январни – Прокуратура органлари ходимлари куни деб белгилаш уларнинг мақомини, прокуратура органлари фаолияти самарадорлигини янада оширишга, уларни ўз хизмат вазифаларини виждонан бажаришга рағбатлантиришга кўмаклашади”, - деб таъкидлашди парламент юқори палатасида.
