9 май куни Ўзбекистоннинг собиқ фуқароси Россия паспортини олди
Тошкент. 10 май. ЎзТАГ - 9 май куни Ўзбекистоннинг собиқ фуқароси 91 ёшли Вера Муращенко Россия паспортини олди, дея хабар беради Ўзбек телеграф агентлиги (ЎзТАГ).
"Бугун (9 май-ЎзТАГ) миграция бошқармаси бошлиғининг ўринбосари Юлия Устименко Ўзбекистон Республикасининг собиқ фуқароси Вера Муращенкони Буюк ғалаба байрами билан табриклади ва Россия фуқароси паспортини топширди", - дейилади Россия ички ишлар вазирлиги матбуот хизмати хабарида.
Вера Ивановна 1928 йилда Оренбург вилоятининг Шарлик туманида туғилган. "Биз Қозоғистонга кўчиб ўтдик, 50 йилдан ортиқ Ўзбекистонда яшадик", дея хотирлайди аёл.
Вера Муращенконинг оиласини Улуғ Ватан уруши ҳам четлаб ўтмади. У урушдан омон қолган кўпчилик каби, ўша даврдаги воқеалар ҳақида бир оз гапиради. "Мен деярли 13 ёшда эдим, уруш бошлангани ҳақида турган ҳолда радиодан эшитдик. Ўша пайтда биз бунинг қанчалик қўрқинчли эканини тушунмасдик. Ейиш учун ҳеч нарса йўқ эди, оч қолардик, эрталабки соат тўртдан нонга навбатга турардик..."Шундан кейин ҳарбий ҳаракатларга гувоҳ бўлган 91 ёшли аёл сукунатга чўкиб,ич-ичидан кўз ёшлар тўкди.
Ўша пайтдаги ёш қизчанинг отаси 1942 йилда фронтга кетиб, 1946 йилда қайтди."Уни тирик кўриш – энг катта қувонч эди”, дейди оренбурглик аёл.
15 ёшли Вера Ўзбекистонда мактабни битирган, пахта заводида ишлаган, илм олган ва 40 йилдан ортиқ рус тили ва адабиёти ўқитувчиси бўлиб ишлаган.
Яқинда қизи билан бу аёл ўз Ватани Оренбургга қайтиб кетди. "Мен учун бундай унутилмас ва тантанали кунларда Россия федерацияси фуқаролиги паспортини олиш жуда катта қувончдир", - дея иқтибос келтиради Россия ИИВнинг матбуот хизмати оренбурглик аёлнинг айтганларидан.
Сурат манбаи: iz.ru
