9 ой якунлари бўйича ўзбек миллий авиаташувчиси йўловчилар ташувини 0,2% кўпайтирди

Тошкент. 11 ноябр. ЎзТАГ – 2015 йилнинг 9 ойи якунлари бўйича “Ўзбекистон ҳаво йўллари” Миллий авиакомпанияси 1,98 млн пассажир ташиб, ушбу кўрсаткични ўтган йилнинг шу даврига нисбатан 0,2% кўпайтирди, деб хабар беради Ўзбек телеграф агентлиги (ЎзТАГ).

“Авиаташувларда МДҲ йўналишидаги ташувлар 894,3 минг йўловчи кўрсаткичи билан етакчи ўринни эгаллади. Олис хорижга 619,6 минг пассажир, маҳаллий линияларда 468 минг киши ташилди. Авиалайнерлар ўртача 111 киши кўрсаткичи билан 7,7 минг рейсни амалга оширдилар”, – деб таъкидлашди авиакомпания матбуот хизматида.

Юк ташувларига келсак, бу ерда салбий динамика кузатилмоқда.

Бундан ташқари, йил бошидан бери ўзбек авиакомпанияси беш халқаро компания билан чипталар сотиш бўйича келишувлар имзолади.