9 ой якунлари бўйича Ўзбекистон банкларининг ялпи капитали 7,4 трлн сўмдан ошди

Тошкент. 21 октябр. ЎзТАГ – 2015 йилнинг 9 ойи якунлари бўйича Ўзбекистон банкларининг ялпи капитали 7,4 трлн сўмдан ошди, деб хабар беради Ўзбек телеграф агентлиги (ЎзТАГ) Марказий банк раиси Файзулла Муллажоновга асосланган ҳолда.

“Бугунги кунда банк тизими капиталининг етарлилик даражаси 23,9% ташкил этиб, у халқаро банк назорати бўйича Базель қўмитаси томонидан 8% қилиб белгиланган талабга нисбатан қарийб 3 баробар зиёддир. 2015 йилнинг 1 октябр ҳолатига кўра, банкларнинг умумий капитали 7,4 трлн сўмдан ошиб кетди”, - деб таъкидлади Ф.Муллажанов МБ бошқарувининг Тошкентдаги кенгайтирилган йиғилишида.

Унинг сўзларига кўра, жорий ликвидлик даражаси бир неча йилдан бери 64,5% юқори бўлиб, бу кўрсаткич ҳам жаҳон амалиётида умумқабул қилинган минимал кўрсаткичдан 2 баробар ошиқдир.

Шунингдек, у банкларнинг ялпи активлари ўтган йилнинг шу даврига нисбатан 27,4% ўсиб, бугунги кунда 62,1 трлн сўмдан ошганини ҳам айтиб ўтди.