9 ойда “Оҳангаранцемент” маҳсулот ишлаб чиқаришни 6,1% кўпайтирди
Дата: 17:46, 14-10-2016.
Тошкент. 14 октябр. ЎзТАГ – 9 ой якунлари бўйича “Оҳангаранцемент” 1,41 млн тонна цемент ишлаб чиқариб, бу кўрсаткични ўтган йилнинг муқобил даврига қараганда 6,1% (82 минг тоннадан кўпга) оширди, деб хабар беради Ўзбек телеграф агентлиги (ЎзТАГ).
“Шунингдек, кўрсатилган муддатда 1,01 млн тонна клинкер чиқарилди, бу эса ўтган йилдагидан 3,8% (+37 минг тонна) кўпдир”, - деб таъкидлашди корхонада.
Шунингдек, истеъмолчиларга цемент сотиш кўрсатичлари ҳам ошди. Январ-сентябр орасида буюртмачиларга жўнатилган маҳсулот ҳажми ўтган йил кўрсатичларидан 6,1% кўп бўлди ва 1,42 млн тоннага етди.
