9 ўзбек банки МДҲ энг йирик 200 банклари сирасига кирди

Тошкент. 2 октябр. ЎзТАГ – Ўзбекистоннинг тўққизта банки “РИА Рейтинг” агентлиги томонидан тузилган МДҲнинг энг йирик 200  банклари рейтингига кирди, деб хабар беради Ўзбек телеграф агентлиги (ЎзТАГ).

Ўзбекистон банклари ўртасида рейтингдаги биринчи ўринни активлари $5,3 млрдга тенг бўлган Ташқи иқтисодий фаолият миллий банки (ЎМБ) эгаллади.

ЎМБ маълум қилишларича, иккинчи ўринни “Ўзсаноатқурилишбанк” (активлари $ 3,23 млрд), учинчи ўринни “Асака” банки ($2,17 млрд) эгаллади.

Улар рейтингда навбати билан 43-, 61- ва 86- ўринларни эгалладилар.

Бундан ташқари, рейтингга “Қишлок қурилиш банк” (122-ўрин), “Ипотека-банк” (126-), Халқ банки (133-), “Агробанк” (136-), “КДБ банк Ўзбекистон” (162-) ва “Ҳамкорбанк” (191-) қирди.

Рейтингга россиянинг “Сбербанк” банки етакчилик қилмоқда ($386 млрд).

Эслатиб ўтамизки, экспертларнинг тадқиқотлари банларнинг молиявий ҳисоботига асосланган. Жами рўйхатга МДҲнинг 200 банки кирди. Банклар активлари 2015 йилнинг 1 январ ҳолатига келтирилган.