АҚШ Конгрессида “Ўзбекистон бўйича кокус” тузилди

Тошкент. 19 ноябр. ЎзТАГ – АҚШ Конгрессида “Ўзбекистон бўйича кокус” тузилди, деб хабар беради Ўзбек телеграф агентлиги (ЎзТАГ).

“АҚШ Конгрессининг Вакиллар палатасидаги ўзбек-америка парламентлараро музокараларининг асосий якунларидан бири “Ўзбекистон бўйича кокус”нинг тузилиши бўлди. Унга етакчи конгрессмен ва сиёсий арбоблар кирдилар”, - дейилади Ўзбекистон ташқи ишлар вазирлиги матбуот хизматининг хабарида.

Ўзбекистоннинг Вашингтондаги элчихонасининг хабар беришича, америка конгрессмен ва сенаторларини бирлаштирувчи аъзолик ташкилотлари бўлган кокуслар бугунда Конгрессда кўп тарқилган. Кокуслар улар фаолиятида мураккаб бюрократик тартиблар йўқлиги сабабли ҳам у ёки бу муаммога тезкор муносабат билдириш, шунингдек, қонунчиларни маълум масала муҳокамаси учун тезда йиғишга имкон беради.

“Ўзбекистон бўйича кокус”нинг тузилиши узоқ вақтдан буён иккитомонлама сиёсий-дипломатик муносабатларнинг кун тартибида турган эди. Бу гуруҳни тузиш ва унинг таркибига етакчи конгрессменларни киритиш ишидаги ҳақиқий силжиш Ўзбекистон президенти Шавкат Мирзиёевнинг АҚШга жорий йил майдаги тарихий ташрифидан кейин содир бўлди”, - деб хулоса қилинади хабарга.

Сурат манбаи: https://eadaily.com