АҚШ конгрессменлари гуруҳи Ўзбекистонга ташриф буюради
Дата: 14:14, 20-11-2017.
Тошкент. 20 ноябр. ЎзТАГ – 21-ноябр куни Тошкент шаҳрига АҚШ Конгресси Вакиллар палатаси аъзоси Трент Келли бошчилигидаги делегация келади, деб хабар беради Ўзбек телеграф агентлиги (ЎзТАГ).
Делегация таркибидан республикачилар ва демократлар партиялари вакиллари ўрин олган.
“Парламентлараро алоқалар доирасида конгрессменлар гуруҳи Ўзбекистон Республикаси Олий Мажлисида музокаралар олиб бориши, шунингдек, Ҳукумат ва Ташқи ишлар вазирлигида учрашувлар ўтказиши ва қатор обектларга ташриф буюриши кутилмоқда”, - деб таъкидланади Ўзбекистон ТИВ хабарида.
