АҚШ ва Ўзбекистон иккитомонлама ҳамкорлик истиқболларини муҳокама қиладилар
Тошкент. 12 сентябр. ЎзТАГ – 12 сентябрда АҚШ Давлат департаменти делегацияси Ўзбекистонга етиб келади, деб хабар беради Ўзбек телеграф агентлиги (ЎзТАГ).
Ўзбекистон ташқи ишлар вазирлиги матбуот хизматининг хабарига кўра, делегацияга АҚШ Давлат котиби иқтисодиёт ва бизнес масалалари бўйича ёрдамчисининг биринчи ўринбосари Брайан Макфитерс бошчилик қилади.
“Ташриф дастурида Вазирлар Маҳкамасида, Ташқи ишлар, Ташқи савдо, Иқтисодиёт, Ахборот технологиялари ва коммуникацияларини ривожлантириш вазирликларида музокаралар ўтказиш кўзда тутилган бўлиб, мазкур учрашувлар доирасида савдо-иқтисодий ва инвестицион соҳалардаги иккитомонлама ҳамкорликнинг истиқболларини муҳокама қилиш режалаштирилган”, - дейилади хабарда.
Сурат манбаи: из https://yenicag.ru
