АҚШда ўзбекистонлик талабалар сони 7,9% ўсди
Дата: 10:16, 18-11-2016.
Тошкент. 18 ноябр. ЎзТАГ – Сўнгги йилда АҚШда ўзбекистонлик талабалар сони 7,9% ўсиб, 530 кишига етди, деб хабар беради Ўзбек телеграф агентлиги (ЎзТАГ).
“2015-2016 ўқув йилида ўзбекистонлик талабалар Қўшма Штатларда асосан бакалавриатда ўқимоқда. Улар барча талабаларнинг 50% ташкил қилди. Яна 35% талабалар магистрантлар, 10% эса қўшимча амалий тайёргарликдан ўтаётганлар, қолган 5% инглиз тили, қисқа муддатли ўқишлар каби даражаларга эга бўлмаган ўқишларда ўқиётганлардир”, – деб таъкидлашди АҚШнинг Ўзбекистондаги элчихонасида.
Ушбу рейтингда биринчи ўринни Хитой эгаллади. Бу мамлакатдан АҚШда 328 мингдан зиёд талабалар таълим олмоқда. Иккинчи ўринни Ҳиндистон деярли 166 минг талаба билан эгаллаб турибди.
