АҚШнинг Ўзбекистондаги элчиси Facebookдаги ўзбек фойдаланувчилари саволларига жавоб беради
Дата: 16:55, 23-06-2015.
Тошкент. 23 июн. ЎзТАГ – 24 июн куни АҚШнинг Ўзбекистондаги элчиси Памела Спратлен Facebook ижтимоий тармоғида онлайн чат ўтказади, деб хабар беради Ўзбек телеграф агентлиги (ЎзТАГ).
Элчининг юқоридаги сессияси тошкент вақти билан соат 16.00дан 17.00га қадар давом этади. Инглиз, ўзбек ва рус тилларидаги саволларни АҚШнинг Ўзбекистондаги элчихонасининг Facebookдаги саҳифасида бериш мумкин.
Хабар қилинишича, П.Спратлен ҳар бир иштирокчидан америка анъаналарига доир фақат битта савол қабул қилади.
Шу билан бирга, элчи АҚШга визалар олиш билан боғлиқ саволларга жавоб бермайди.
Онлайн чат якунлари бўйича 3та энг қизиқарли савол танланиб, 26 июнда уларнинг муаллифларига АҚШ элчихонасининг махсус совғалари топширилади.
