Ачилбай Раматов Ўзбекистоннинг ирик темир йўл лойиҳаларини санаб ўтди
Тошкент. 9 август. ЎзТАГ – Ўзбекистон Бош вазирининг биринчи ўринбосари, “Ўзбекистон темир йўллари” АЖ бошқаруви раиси Ачилбай Раматов Ўзбекистоннинг йирик темирйўл лойиҳаларини санаб ўтди, деб хабар беради Ўзбек телеграф агентлиги (ЎзТАГ).
“Бухоро-Мискен йўналишидаги янги темирйўл бўғинини қуриш бошланди. Ушбу линияни фойдаланишга топшириш натижасида йўлдаги ҳаракат олислиги деярли 75 километрга қисқаради”, - деб таъкидлади у “Ўзбекистон темир йўллари” АЖ марказий аппарати биносида темирйўлчилар гуруҳини тақдирлаш бўйича тантанали маросимда.
Бундан ташқари, Урганч-Хива янги темирйўл участкасини қуриш бошланди. Яқинда электрлаштирилган йўллар Хоразм вилоятигача, яқин келажакда эса Қорақалпоғистонгача юқори тезликдаги йўловчи ташувларини амалга оширишга имкон беради.
“Шунингдек, Қарши-Термиз линиясини электрлаштириш бўйича ишлар тезкор давом эттирилмоқда. Бугунга қадар умумий узунлиги 325 километр бўлган йўлнинг 183 километри тўлиқ электрлаштирилган”, - деди компания раҳбари.
