Афғонистондаги сиёсий жараённи фақат афғонлар амалга ошириши керак – Иргашев
Тошкент. 23 апрель. ЎзТАГ – Ўзбекистон президентининг махсус вакили Исматулла Иргашев Афғонистонда сиёсий жараённи фақат афғонларнинг ўзлари амалга ошириши кераклигини билдирди, дея хабар беради Ўзбек телеграф агентлиги (ЎзТАГ).
Ўзбекистон Ташқи ишлар вазирлигининг матбуот хизмати хабар беришича, 19 апрель куни Бишкекда (Қирғизистон) “ШҲТ-Афғонистон” алоқа гуруҳининг мажлисида Ўзбекистоннинг Афғонистон бўйича махсус вакили И.Иргашев бошчилигидаги Ўзбекистон делегацияси иштирок этди.
Шанхай ҳамкорлик ташкилотига аъзо давлатлар вакиллари Афғонистон делегацияси билан бирга ташқи ишлар вазири Салоҳуддин Раббони бошчилигида мамлакатдаги вазият юзасидан фикр алмашдилар. Томонлар “ШҲТ-Афғонистон” форматида ҳамкорликни кучайтириш бўйича таклифларни муҳокама қилдилар.
Таъкидландики, Ўзбекистон делегациясининг раҳбари ўз нутқида Ўзбекистон Афғонистондаги можарони ҳал этиш бўйича халқаро саъй-ҳаракатларни кучайтиришни қўллаб-қувватлайди.
“Биз асосий тамойилга содиқ қолмоқдамиз - Афғонистондаги сиёсий жараённи афғонларнинг ўзлари ва афғон халқи бошчилигида амалга ошириш керак. Урушаётган томонлар ўртасида келишувга эришилгач, ҳуқуқни муҳофаза қилиш органлари, фуқаролик жамиятини янада ривожлантириш, аёлларнинг ҳуқуқларини ҳимоя қилиш ва бошқаларни ҳурмат қилиш каби муҳим соҳаларда давлат муассасаларини сақлаб қолиш муҳим”, - дея таъкидлади И. Играшев.
Шунингдек, томонлар сиёсий келишув ҳаракатлари билан биргаликда Ўзбекистон иқтисодий тараққиётга, Афғонистоннинг ижтимоий барқарорлигига ва афғонларнинг ёш авлодига сармоя етказмоқда. Афғонистонда транспорт ва логистика, энергетика, савдо ва таълим соҳаларида йирик лойиҳаларни амалга ошириш бошланди. Улар орасида Ўзбекистон томонидан “Сурхон-Пули-Хумри” электр узатиш линияси қурилиши, Термиздаги Афғонистон фуқароларини ўқитиш бўйича ўқув марказининг очилиши, “Термиз-Карго “божхона терминали билан логистика маркази, “Мозори-Шариф-Ҳирот” темирйўл лойиҳасини ривожлантириш киради.
Ўзбекистон Афғонистон халқи учун яна бир муҳим лойиҳани - Мозори-Шариф-Кобул-Пешовар темирйўлини қуришда Афғонистон, Қозоғистон, Покистон ва Россия билан ҳамкорлик қилади. Марказий ва Жанубий Осиёни бир-бирига боғлаб, турли давлатлар, жумладан, ШҲТга аъзо давлатлар ўртасида яқинроқ иқтисодий алоқаларни ривожлантиришга ёрдам беради.
Бундан ташқари, 2019 йилда Тошкентда VIII RECCA Афғонистон бўйича минтақавий иқтисодий ҳамкорлик саккизинчи конференция вазирлик йиғилиши режалаштирилган.
“ШҲТ-Афғонистон” алоқа гуруҳи Афғонистонда узоқ муддатли мустаҳкам тинчлик ўрнатилишига ҳисса қўшиши қайд этилди.
Бишкек шаҳрида бўлган И.Иргашев учрашувда иштирок этадиган делегациялар раҳбарлари билан икки томонлама учрашувлар ўтказди, Хитой Халқ Республикаси Ташқи ишлар вазирлигининг ташқи хавфсизлик бўйича махсус вакили Чэн Гопин, Ҳиндистон ташқи ишлар вазирининг ўринбосари Гитеш Шарма билан учрашди.
Афғонистонда тинч-осойишта жараённи йўлга қўйиш ва инфратузилма, ижтимоий-иқтисодий лойиҳаларни амалга ошириш доирасида ўзаро ҳамкорлик масалалари муҳокама қилинди.
Сурат манбаи: mfa.uz
