“Агар хорижга чиққан 75 млн. туркларнинг 1% Ўзбекистонга йўналтирилса, бу мамлакатлар орасидаги туристик оқимни кескин оширган бўлар эди”– турк дипломати

Тошкент. 3 апрель. ЎзТАГ – Ўтган йили 75 млн туркиялик дунёнинг турли хорижий мамлакатларига чиққан, ва агар уларнинг 1 фоизини Ўзбекистонга йўналтирилса, бу мамлакатлар орасидаги туристик оқимни кескин оширган бўлар эди, деб хабар беради Ўзбек телеграф агентлиги (ЎзТАГ) Туркиянинг Ўзбекистондаги элчиси Номиқ Гюнер Эрпулнинг сўзларига асосланган ҳолда.
Бу ҳақида элчи жаноблари Тошкентдаги турк элчихонасида “Ўзбектуризм” миллий компанияси вакиллари билан бўлган учрашувда гапирган. Миллий компания матбуот хизмати малумотларига қараганда учрашув турк томони ташаббуси билан ўтказилган.
Шунигдек, учрашув доирасида кадрлар тайёрлаш, TICAнинг техник ёрдамини жалб этиш ва туризм соҳасида тўғридан-тўғри инвестициялар жалб этиш масалалари ҳам муҳокама этилган. Турк томони ушбу йўналишларда ҳамкорлик қилишдан манфаатдор эканлигини билдирган.
Бундан ташқари, турк томони “Ўзбекистон ҳаво йўллари” компаниясининг Тошкент-Истамбул маршрути бўйича авиарейсларини кўпайтириш зарурияти ҳақида ҳам эълон қилинган. Шунингдек, элчи Туркиядан Самарқанд ва Бухоро шаҳарларига тўғридан-тўғри авиарейслар йўлга қўйишни таклиф этган.