“Агробанк” ўзбек банки низом жамғармасининг камида 15% хорижий инвесторларга сотишни режалаштирмоқда
Тошкент. 22 феврал. ЎзТАГ – 2016 йилнинг 1 июлига қадар "Агробанк" акционерлик тижорат банки банк акциядорлик капиталининг камида 15% хорижий инвесторларга сотиш ишларини якунлашни режалаштирмоқда, деб хабар беради Ўзбек телеграф агентлиги (ЎзТАГ).
“Агробанк” АТБ хабар қилишларича, бу иш Ўзбекистон Президентининг "Акциядорлик жамиятларига хорижий инвесторларни жалб қилиш борасидаги қўшимча чора-тадбирлар тўғрисида"ги ПҚ-2454 сонли қарорига мувофиқ амалга оширилади.
Маҳаллий корхоналарга ўз сармояларини киритадиган хорижий инвесторлар учун инвестициялар ҳажмидан келиб чиққан ҳолда имтиёзлар кўзда тутилган. Хужжатга мувофиқ, улушларнинг ҳажми корхона акционерлик капиталининг 3%дан 15%гача бўлиши мумкин.
Бу солиқ имтиёзлари даромад солиғи, мулкка солиқ, ижтимоий инфратузилмани яхшилаш ва ривожлантириш учун олинадиган солиқ, ягона ижтимоий солиқ, жумладан Республика йўл жамғармасига ундириладиган солиқларни ўз ичига олади.
Эслатиб ўтамизки, “Агробанк” АТБ Ўзбекистоннинг энг йирик банкларидан бири. Қишлоқ хўжалигидаги ислоҳотлар банкнинг фаол иштирокида ўтказилмоқда.
Банк таркибида 12 ҳудудий бошқарма, 183та филиал бўлиб, у қишлоқ хўжалиги тармоғида банк хизматлари кўрсатади.
"Агробанк" АТБ тизимига 301 минибанк, 251 махсус касса ва 188 пул ўтказиш пункти киради. Банк 9 мингдан зиёд мутахассисга эга бўлиб, 300 мингдан ортиқ юридик ва 3 млндан зиёд жисмониий шахсларга хизмат кўрсатади.
