“Ahbor-Reyting” “Универсал банк” хусусий акционерлик-тижорат банкининг рейтингини тасдиқлади

Тошкент. 2 март. ЎзТАГ – “Ahbor-Reyting” рейтинг агентлиги 2016 йилнинг IV чораги якунлари бўйича “Универсал банк” хусусий акционерлик-тижорат банкининг рейтингини “uzВ” даражасида “Барқарор” прогнози билан тасдиқлади, деб хабар беради Ўзбек телеграф агентлиги (ЎзТАГ).

Рейтинг истиқболли ўсиш имкониятлари, янги банк хизматлари сегментларини изчил ўзлаштириш, қониқарли ликвидлик даражасини акс эттиради.

Банкнинг 2015 йилнинг IV чораги якунлари бўйича даромад келтирувчи активлари 2014 йил билан солиштирганда 41,38% ўсиб, 54,5 млрд сўмга ёки банк активларининг 49,96% етди.

Банкнинг ялпи активлари 109,1 млрд сўмни (+42,61%), жумладан, соф кредит портфели 48,8 млрд сўмгача (+40,77%) ўсди ва ва активлар таркибида 44,77% ташкил этди.

Эслатиб ўтамизки, “Универсалбанк” ХАТБ 2002 йил 25 майда 0,05 млрд сўм низом капитали билан “Қўқон” хусусий банки негизида ташкил этилган. “Универсалбанк”нинг бош идораси Фарғона вилоятининг Қўқон шаҳрида жойлашган.