«Алокабанк» Ўзбекистондаги янги мобил оператор учун кредит ажратишни режалаштирмоқда
Дата: 11:30, 15-09-2014.
Тошкент. 15 сентябр. ЎзТАГ – 20 сентябрда Тошкентда “Алоқабанк” акционерларининг навбатдан ташқари йиғилиши бўлиб ўтади, дея хабар қилади Ўзбек телеграф агентлиги (ЎзТАГ).
“Йиғилишнинг марказий масалаларидан бири “Universal Mobile Systems” МЧЖ учун кредит маблағлари ажратиш бўлади. Ушбу корхона россиянинг “Мобильные ТелеСистемы” (МТС) компанияси ва Ўзбекистон Алоқа, ахборотлаштириш ва телекоммуникация технологиялари давлат қўмитаси қошидаги унитар корхона томонидан мобил алоқа хизматларини кўрсатиш учун биргаликда ташкил этилган”, - деди “Алоқабанк”даги манба.
Режага кўра, янги оператор жорий йилнинг декабридаёқ ишга тушиши лозим.
Эсмлатиб ўтамизки, илгари ЎзТАГ Ўзбекистонда янги мобил операторнинг ташкил этилганлиги ҳақида хабар берган эди.
