Американинг The Exchange ансамбли Тошкент ва Самарқандда бепул концертлар беради
Тошкент. 1 апрел. ЎзТАГ – 5-11 апрел кунлари Американинг The Exchange вокал ансамбли Тошкент ва Самарқандда бепул концертлар беради, деб хабар беради Ўзбек телеграф агентлиги (ЎзТАГ).
“The Exchange беш нафар йигитдан иборат бўлиб, уларнинг ҳар бири ўзига хос овоз ва услубга эга. Бу “а капелла” гуруҳи саналиб, у чолғу жўрлигисиз қўшиқлар куйлайди, ижрода хилма-хил мусиқий усуллар – ритм ва блюз, рок, госпел, опреа ва ҳип-ҳопни қориштиради”, - деб таъкидлашди АҚШнинг Ўзбекистондаги элчихонасида.
Ўзбекистонда вокал гуруҳ Тошкент ва Самарқанд мусиқа коллежларида маҳорат дарслари ўтади. У Ўзбекистон Миллий кутубхонасида ёш мусиқасеварлар билан учрашади.
8 апрель куни, The Exchange Ўзбекистон давлат консерваториясида ўзбек эстрадаси юлдузи Мансур Тошматов жўрлигидаги концертда қатнашади. 9 апрель куни эса гуруҳ концерти Тошкентдаги “Туркистон” саройида бўлиб ўтади.
Гуруҳ ташрифи АҚШ Давлат департаментининг америкача мусиқий жанрларни халқаро маданий алмашув ташаббуслари орқали намойиш этувчи “Америка мусиқаси хорижда” дастури доирасида ташкиллаштирилган. Қолаверса, The Exchange ЮНЕСКО шафелигида ўтказиладиган Ўзбекистондаги халқаро жаз фестивалининг таркибий қисмидир.
Ансамбль аъзолари қуйидагилар: Эйрон Спербер, Альфредо Остин, Кристофер Диаз, Жамал Мур ва Ричард Стейнер. The Exchange бутун дунё бўйлаб гастроллар уюштирган, Лондондан Конгонггача, Аляскадан Дубайгача, Вегасдан Сингапургача, Виржин оролларидан Австралиягача саёҳат қилган.
