“Amirbank” ўзбек банкининг лицензияси чақириб олинди
Дата: 10:31, 07-06-2014.
Тошкент. 7 июн. ЎзТАГ – Ўзбекистон Марказий банки “AMIRBANK” хусусий очиқ акционерлик тижорат банкининг банк операцияларини ўтказишга доир лицензиясини чақириб олди, дея хабар беради Ўзбек телеграф агентлиги (ЎзТАГ).
Бу ҳақидаги хабар МБ сайтида кеча, 6 июнда, жойлаштирилди.
“Ўзбекистон Республикасининг “Ўзбекистон Республикасининг Марказий банки тўғрисида”ги Қонуннинг 53-моддаси ва “Банклар фаолияти тўғрисида”ги Қонуннинг 14-моддасига асосан амалдаги банк қонунчилиги талабларини бузганлиги сабабли Ўзбекистон Республикасининг Марказий банки “AMIRBANK” хусусий очиқ акционерлик тижорат банкининг банк операцияларини амалга ошириш ҳуқуқини берувчи лицензиясини чақириб олди”, - дейилади хабарда.
