Андижон вилоятидаги янги қўшма корхона Кореяга қизилмия томири етказиб беради

Андижон. 15 октябр. ЎзТАГ – Андижон вилоятининг Пахтаобод туманида янги “Eastern root Andijon” ўзбек-корейс корхонаси очилди. Янги қўшма корхона Кореяга қизилмия томири етказиб бериш билан шуғулланади, деб хабар беради Ўзбек телеграф агентлиги (ЎзТАГ).

Туман ҳокимиятидан хабар қилишларича, ҚК маҳаллий тадбиркорлар ва “Eastern root LTD” корейс компания вакилларининг ҳаракатлари билан ташкил қилинди. Шундай қилиб, олис қишлоқ ҳудудида ойига $200-250 минглик маҳсулот экспорт қилувчи корхона яратилди.

Корхона жамоаси қизилмия томирини бирламчи йиғиш ва қайта ишлашни амалга оширади. Қизилмия томиридан тайёрланган дорилар кўкрак қафаси, йўтал касалликларини даволашда, ҳапдориларнинг таъм кўрсаткичларини яхшилаш учун ишлатилади, квас ва пивога қўшилади.

Ҳокимият томонидан ҚКга улгуржи савдо базасининг биноси нол қийматида 1 млрд сўм инвестиция киритиш ва 150 янги иш жойи яратиш мажбурияти билан берилди. Хорижий ҳамкор қиймати $125 минглик замонавий ускуналар сотиб олди.

Эслатиб ўтамизки, қизилмия томирининг Ўзбекистоннин кўплаб ҳудудларида март охиридан ноябр сўнггигача йиғиш мумкин.