Андижонда тадбиркордан пора талаб қилган банкирларга ҳукм ўқилди

Андижон. 19 ноябр. ЎзТАГ – Андижонда тадбиркордан пора талаб қилган банкирларга ҳукм ўқилди, деб хабар беради Ўзбек телеграф агентлиги (ЎзТАГ).

“Даракчи” газетасидаги мақолага кўра, ҳукм Жиноят ишлари бўйича Андижон вилоят суди томонидан чиқарилган. Маълум бўлишича, “Қишлоққурилишбанк” ва Халк банкининг вилоят филиаллари раҳбарлари йирик кредит ажратиш учун тадбиркордан пора талаб қилганлар.

“Тадбиркор “Қишлоққурилишбанк”дан 950 млн сўм, Халк банкидан 2 млрд сўм кредит сўраган. Газетанинг ёзишича, олдин “Қишлоққурилишбанк”нинг вилоят филиаллари раҳбари тадбиркордан $5 минг талаб қилган, кредит бериш жараёнида яна 70 млн сўм сўраган. Тадбиркор бинкирнинг биринчи талабини тўлиқ қондирган, иккинчи талаб қилинган пулнинг ярмисини берган”, - дейилади газета хабарида.

Бундан ташқари, Халк банкидан кредит учун тадбиркор $29,3 минг пора берган.