Андижонда ўзганинг автомобилига эга чиқишга уринган эркак қўлга олинди
Тошкент. 1 июл. ЎзТАГ – Андижонда ўзганинг автомобилига эга чиқишга уринган эркак қўлга олинди. Бу ҳақида Ўзбекистон ИИВ матбуот хизмати хабар қилмоқда.
“Андижон шаҳар ИИБ Навбатчилик қисмига Андижон туманида яшовчи 1989 йилда туғилган фуқаро ариза билан мурожаат қилиб, номаълум шахс унинг “Nехiа” русумли автомашинасини ғайриқонуний равишда тортиб олиб кетганликларини маълум қилган. У автомашинасини Миллий тикланиш маҳалласи ҳудудида бошқариб кетаётган пайтда, у билан бирга келаётган йўловчи бирдан автомашинани тўхтаттириб, уни зўрлик билан тушириб юбориб, автомашинани номаълум томонга ҳайдаб кетган”, - дейилади хабарда.
Олиб борилган тезкор-қидирув тадбирлари натижасида ушбу жиноятни содир этишда гумонланувчи қўлга олинди. У Андижон тумани Пистамозор маҳалласида яшовчи 1989 йилда туғилган фуқаро бўлиб чиқди.
Мазкур ҳолат юзасидан жиноят иши қўзгъатилиб, ҳозирда тергов ҳаракатлари олиб борилмоқда.
