Андижонлик киши деярли 300 млн сўмлик жекпотни ютиб олди
Дата: 17:04, 01-03-2016.
Тошкент. 1 март. ЎзТАГ – Андижонлик киши “Омад лото” лотереясининг 281-тиражида деярли 300 млн сўмлик жекпотни ютиб олди, деб ёзади “Даракчи” нашри.
5 рақамни топиб, 286 446 440 сўмлик жекпот эгасига айланган ғолиб ўтган якшанба куни, 28 февралда “Ёшлар” телеканалида аниқланди. Чипта Андижон вилоятида рўйхатга олинган.
Лотереянинг кейинги жекпоти миқдори 74 720 240 сўм қилиб белгиланди.
“Омад лото” лотереясининг ташкилотчиси Ўзбекистон Республикаси акционерлик тижорат “Халқ банки”дир.
