“Ангрен” ЭИҲ резинотехник буюмлар заводи қурилади

Тошкент. 23 декабр. ЎзТАГ – Ўзбекистон президентининг қарори билан “Ангрен” эркин иқтисодий ҳудудида (ЭИҲ) янги резинотехник буюмлар заводи қуришнинг шартларини тасдиқланди, дея хабар беради Ўзбек телеграф агентлиги (ЎзТАГ).

“Хитойнинг “Poly Technologies Inc.” компанияси билан қиймати $183,9 млн. бўлган ушбу объектни тўлиқ тайёр ҳолгача қуриш ҳақида шартнома тузилди. Завод йилига 100 минг погон метр конвейер лентаси, 200 минг қишлоқ хўжалик ва 3 млн автомобиль шиналари ишлаб чиқаради”, – деб таъкидлашди “Ўзкимёсаноат” ДАК матбуот хизматида.

Лойиҳа Ўзбекистон Тикланиш ва тараққиёт жамғармасининг $27,60 млнлик кредити ҳисобига молиялаштирилади. Шунингдек, $156,36 млн. миқдордаги имтиёзли хорижий узоқ муддатли кредит олиш ҳам режалаштирилган. Барча қурилиш ишлари 2016 йил 1 январга қадар тугалланиши кўзда тутилмоқда.