Ангрен ГЭС янги энергоблоки 840 млн кВт/соат электро- ва 423 минг гигакалория иссиқлик энергияси ишлаб чиқаради
Тошкент. 22 сентябр. ЎзТАГ – Ўзбекистон Республикаси Президенти вазифасини бажарувчи Шавкат Мирзиёев Ангрен ИЭСда 2016 йилнинг август ойида ишга туширилган янги энергия блокини кўздан кечирди, деб хабар беради Ўзбек телеграф агентлиги (ЎзТАГ).
“Замонавий технологиянинг жорий этилиши натижасида йилига 1 млн тонна кўмирдан самарали фойдаланишга эришилади ва бу орқали 840 млн кВт/соат электр энергияси ва 423 минг гигакалория иссиқлик энергияси ишлаб чиқарилади. Янги энергия блокининг ишга туширилиши ёқилғи сарфини камайтириш, атмосферага газ чиқиндилари чиқишини сезиларли равишда қисқартиришни таъминлайди”, - дейилади Ш.Мирзиёевнинг Ангрен шаҳрига ташрифи якунлари бўйича Ўзбекистон Республикаси Президенти матбуот хизмати сайтида жойлаштирилган ҳисоботда.
Эслатиб ўтамизки, 20 сентябрда Ш.Мирзиеёв жойларда ижтимоий-иқтисодий ислоҳотларнинг бориши билан яқиндан танишиш мақсадида Ангрен шаҳрига ташриф буюрган эди.
