Анвар Жўраев “Тошшаҳартрансхизмат” бошқаруви раиси этиб тайинланди
Тошкент. 25 май. ЎзТАГ – Анвар Жўраев Тошкент ҳокими ўринбосари ва “Тошшаҳартрансхизмат” бошқаруви раиси этиб тайинланди, деб хабар беради Ўзбек телеграф агентлиги (ЎзТАГ) ширкат сайтига асосланган ҳолда.
Бунга қадар у 3 ва 2- автобус паркларининг бошлиғи бўлиб ишлаган.
Анвар Жўраев билан ишлаган кишилар уни “корхона фаолиятининг барча томонларини яхши англаб етувчи аъло даражадаги мутахассис” сифатида эътироф этадилар.
Эслатиб ўтамизки, Анвар Жўраев (1982 йилда туғилган) 2003 йилда Тошкент автомобиль-йўллар институти ва 2010 йилда Тошкент давлат иқтисодиёт университетини менеджмент мутахассислиги бўйича тамомлаган.
Бундан аввал 2006-2012 йилларда “Тошшаҳартрансхизмат” бош мутахассиси, бўлим бошлиғи, 2005-2006 йилларда Ўзбекистон Давлат статистика қўмитасида етакчи мутахассис бўлиб ишлаган.
Ҳокимнинг пойтахт жамоат транспорти бўйича бундан олдинги ўринбосари Отабек Содиқов эди. У ушбу лавозимда 2014 йилнинг январидан 2017 йил майига қадар фаолият олиб борди.
