ЎзТАГ
Ўзбек телеграф агентлиги

Тошкент, 2:32 | 22 сентябр

Қаршининг “Насаф”и Осиё чемпионлар лигаси плей-оффига чиқди

Дата: 10:06, 01-02-2017.

Тошкент. 1 феврал. ЎзТАГ – Қаршининг “Насаф” жамоаси Осиё чемпионлар лигасининг малака босқичи доирасида Баҳрайннинг “Ал-Ҳидд” клубини йирик ҳисобда мағлуб этди, деб хабар беради Ўзбек телеграф агентлиги (ЎзТАГ).

Ўзбекистонликлар майдонда бирданига устунликка эришдилар, тўпни назоратга олиб, рақиб дарвозасига хужум уюштирдилар.

“Жамоа ҳисобни 16-дақиқада Акмал Шораҳмедов узатган тўпни Шаҳбоз Эркинов боши билан дарвозага киритганидан сўнг очди. Орадан 10 дақиқа ўтиб қаршиликлар яна гол киритдилар. Бу сафар унга Игорь Голбан муаллифлик қилди”, - деб таъкидлашди “Насаф” ФК матбуот хизматида.

Иккинчи таймда қаршилик футболчилар яна икки гол урдилар. Голларга  Дониёр Нарзуллаев ва Драган Черанлар муаллифлик қилдилар. Якуний ҳисоб эса 4:0 бўлди.

Энди ўзбекистонликлар Осиё чемпионлар лигасининг плей-оффида Саудия Арабистонининг “Ал-Фатеҳ” клубига қарши меҳмонда ўйнайдилар.

Янгилик билан ўртоқлашиш:

Мавзу бўйича ҳаволалар

Ўзбекистонликлар сув учун 411 млрд сўмдан ортиқ қарз бўлди ЮНФПАнинг Ўзбекистондаги янги раҳбари Ю Ю бўлди Франция муносиб равишда икки карра жаҳон чемпиони бўлди