Қаршининг “Насаф” клуби футбол бўйича Ўзбекистон Суперкубогини қўлга киритди
Тошкент. 18 феврал. ЎзТАГ – Тошкентда мамлакат Суперкубоги учун финал ўйини бўлиб ўтди. Анъанага кўра, ушбу ўйин футбол мавсумини очиб беради, деб хабар беради Ўзбек телеграф агентлиги (ЎзТАГ).
“Мавсумнинг илк ўйинида мамлакат кубоги эгаси “Насаф” ва Ўзбекистон чемпиони “Пахтакор” учрашди. Ўйиннинг биринчи 15 дақиқасида устунлик тошкентликлар тарафида бўлди, лекин қаршиликлар вазиятни ўнгладилар. Ҳисоб биринчи тайм тугашига беш дақиқа қолганда очилди. Сайдулло Раҳматовнинг чап қанотдан етказиб берган тўпини Артур Геворкян моҳирлик билан дарвозага жойлаб қўйди – 1:0”, – деб таъкидлашди “Насаф” ФК.
Иккинчи таймда “Пахтакор” футболчилари вазиятни тенглаштиришга ҳаракат қилдилар. Ўйин охирида пойтахтликлар олдинга ҳам чиқишлари мумкин эди, лекин омад уларга кулиб боқмади. Натижада “Насаф” илк марта мамлакат Суперкубоги эгасига айланди.
