“Асака” банки бошланғич қиймати 28,664 млрд сўмлик 3 ишлаб чиқариш корхонасини сотмоқда

Тошкент. 24 июн. ЎзТАГ – “Асака” Акционерлик тижорат банки бошланғич қиймати 28,664 млрд сўмлик ($12,42 млн) 3та ишлаб чиқариш корхонасини сотиши ҳақида эълон қилди, дея хабар беради Ўзбек телеграф агентлиги (ЎзТАГ).
Булар банкнинг “Асака Коттон Импекс” (Тошкент вилояти, тиббий гигроскопик вата ишлаб чиқариш), “Осиё Асака Модел” (Тошкент, пойабзал ишлаб чиқариш) ва “Қоракўл Асака Текстиль” (Бухоро вилояти, пахта матолар, трикотаж материаллари ва ундан буюмлар ишлаб чиқариш) МЧЖларидаги 100% улушларини сотиш ниятида.
Савдо шартларига кўра, гаров қиймати корхона бошланғич қийматининг камида 5% ташкил қилади. Сотиб олингандан кейин қолган суммани тўлашда харидорга 7 йиллик муддат берилиши мумкин.
Аванс тўлови эса шартнома тузилган санадан кейин 20 кун ичида битим суммасининг камида 15% миқдорида бўлиши зарур. Қолган қисми эса шартномадаги графикка мувофиқ тўланади.