“Асака” банки ўз активларини 29% кўпайтирди

Тошкент. 11 апрел. ЎзТАГ – 2016 йилинг 1 апрелига келиб “Асака” акционерлик тижорат банкининг ялпи активлари 8 трлн сўмдан ошди ва ўтган йилнинг муқобил давридагига солиштирганда 29% (2,6 трлн сўмга) кўпайди, деб хабар беради Ўзбек телеграф агентлиги (ЎзТАГ).

“Банкнинг ялпи капитали 118 млрд сўмга ўсиб, 955 млрд сўмга етди. Кредит ва лизинг киритмалари ҳажми 3,89 трлн сўмни ташкил қилди. Кредит портфели таркибида узоқ муддатли кредитлар 3,52 трлн сўмни, жумладан, инвестицион кредитлар 3 трлн сўмдан зиёдни ташкил этди”, - деб таъкидлашди банкда.

Йилнинг биринчи чорагида кичик бизнес ва хусусий тадбиркорликни қўллаб қувватлашга 332,2 млрд сўм ажратилди. Бу йилда банк “кичик иқтисодиёт” субъектларига 1,52 трлн сўм кредитлар ажратишни режалаштирган.

Ҳозирда “Асака” банки тизимида 26 филиал, 93 мини-банк, 329 омонат, махсус ва кўчма кассалар фаолият юритмоқда.

$1 = 2882,68 сўм