Асакадаги автомобиль заводи қайта иш бошлади
Дата: 16:32, 06-09-2016.
Тошкент. 6 сентябр. ЎзТАГ – Асакадаги GM Uzbekistan автомобиль заводи профилактикадан сўнг ишлаб чиқариш фаолиятини қайтадан йўлга қўйди, деб хабар беради Ўзбек телеграф агентлиги (ЎзТАГ).
“Режали-эҳтиётдан қилинадиган ишлар жадвалида кўзда тутилган барча чора-тадбирлар муваффақиятли якунланиб, бугундан (5 сентябрь – ЎзТАГ) Асака автозаводидаги ишлаб чиқариш линиялари ишга туширилди”, – деб таъкидлашди GM Uzbekistanда.
Айни пайтда завод кўзда тутилган режа параметрларига мувофиқ тарзда штат режимида ишламоқда.
Эслатиб ўтамизки, режали профилактика ишлари 2016 йилнинг августида ўтказилди.
