“Asia Alliance Bank” “барқарор” прогнозли “uzA+” рейтингини олди
Тошкент. 26 ноябр. ЎзТАГ – “Asia Alliance Bank” ўзбек акционерлик тижорат банкининг (АТБ) кредит рейтинги миллий шкала бўйича “барқарор” прогноз билан “uzA+” даражасигача оширилди. Ушбу баҳон “Ahbor-Reyting” рейтинг агентлиги (РА) томонидан 2014 йилнинг 9 ойи якунлари бўйича берилди, деб хабар беради Ўзбек телеграф агентлиги (ЎзТАГ).
РАдан хабар қилишлрича, “uzA+” даражасидаги баҳо банк кредит қобилиятиннг ўта юқори даражаси ва унинг фаолиятида кредит таваккалчилигининг жуда паст даражасидан далолат беради. Рейтинг банкнинг бозордаги юқори ишбилармонлик фаоллиги, барқарор ривожланаётган тармоғи, муқобил капитализацияси ва мувозанатлаштирилган ликвидлик позициясини акс эттиради.
“Ahbor-Reyting” мутахассислари баҳоларига кўра, иш бошлаганига нисбатан кўп бўлмаганига қарамасдан “Asia Alliance Bank” АТБ ўз фаолияти кўламини кенгайтириб, республика етакчи компаниялари, молия институтлари ва аҳоли орасида ишончли молия ҳамкори репутациясига эриша олди.
2014 йилнинг 9 ойи якунларига кўра банк активлари 963 млрд сўмни ташкил қилди, ўз капитали ўтган йилнинг муқобил давридагига қараганда 46% кўпайиб, 134 млрд сўмга етди.
1 октябр ҳолатига келиб банк кредит портфели миқдори 210 млрд сўмни ташкил қилди (+38%). Кредит портфелининг 50% атрофидаги саноат ҳиссасига тўғри келади.
Эслатиб ўтамизки, “Asia Alliance Bank” АТБ нуфузли халқаро нашр бўлган Global Finance томонидан Ўзбекистоннинг энг яхши банки деб топилган эди. Шунингдек, банк Commerzbank AG томонидан савдо молияси соҳасида аъло ўзаро ҳамкорлик учун мукофотга ҳам сазовор бўлган эди. “Asia Alliance Bank” бозорда 2009 йилдан бери фаолият юритади.
