Асли келиб чиқиши ўзбекистонлик Алишер Усмонов РФК қарзидан вос кечди
Тошкент. 15 июл. ЎзТАГ – Асли келиб чиқиши ўзбекистонлик бўлган россиялик тадбиркор Алишер Усмонов Россия футбол кенгашининг 700 млн. рубл қарзидан вос кечди. Бу ҳақида россия ОАВ хабар бермоқда.
Миллиардер РФК Фабио Капелло олдидаги қарзини тўлаш учун берган пулларини талаб қилмаслигини баён қилди.
“Бугун РФК раҳбарияти ўзгаради ёки ўзгариб бўлди. Ҳар ҳолда мен маблағ бериб турган шахслар бугун кенгашдан кетиб бўлди. Шу сабабли маблағни энди қайтариш ҳақида сўрамасам керак. Бу менинг РФК ўз ишларини йўлга қўйиб, жаҳон чемпионатига чиқишни таъминлаши йўлидаги ёрдамимдир”, – деди бизнесмен “Россия 24” телеканалига интервьюда.
Бунингдек, у Фабио Капеллога устама тўлашга пул бермаганини ҳам айтиб ўтди.
Эслатиб ўтамизки, РФК Усмоновдан икки марта маблағ олган. Февралда бизнесмен Капелло олдидаги қарзни тўлаш учун 400 млн рубл имтиёзли мақсадли кредит берган. Июн охирида Усмонов РФК ташкилот президенти Николай Толстых истеъфога чиққанидан кейин яна 300 млн рубл тақдим этган эди.
