Августда Охангаронцемент” цемент ишлаб чиқаришни 2,5% кўпайтирди

Тошкент. 30 сентябр. ЎзТАГ – 2015 йил августда Охангаронцемент” цемент заводи 164 минг тонна цемент ва 127,2 минг тонна клинкер ишлаб чиқарди. Бу ўтган йилнинг муқобил давридаги кўрсаткичлардан навбати билан 2,5% ва 12,2% кўп демакдир, деб хабар беради Ўзбек телеграф агентлиги (ЎзТАГ).

“Корхона ўз истеъмолчиларига 164,8 минг тонна цемент етказиб берди, бу ўтган йилги кўрсаткичдан 1,2% (1907 тонна) ошиқ. Истеъмолчилар орасида умумқурилиш бичимидаги ПЦ 400 Д20, ШПЦ 400 ва ПЦ 400 КД20 цемент турларига талаб катта. Уларнинг ялпи жўнатилган цемент миқдоридаги улуши 91,8% (151,2 минг тоннани) ташкил қилди. Ўтган йили шу кўрсаткич 75,1% ташкил этган эди”, - деб таъкидлашди заводда.

Бундан ташқари, ички эҳтиёжлар учун 153 тонна ўтга чидамли ғишт ҳам ишлаб чиқарилди, бу эса ўтган йил августдагидан 50,8% кўпдир. Корхонанинг тоғ цехида эса 231,9 минг тонна оҳактош ишлаб чиқарилди.