Австралиялик Мирко Йеличич тошкентнинг “Локомотив” клуби бош тренери этиб тайинланди
Дата: 14:57, 30-11-2015.
Тошкент. 30 ноябр. ЎзТАГ – Австралиялик Мирко Йеличич тошкентнинг “Локомотив” клуби бош тренери этиб тайинланди, деб хабар беради Ўзбек телеграф агентлиги (ЎзТАГ).
“Футболчилар 16 декабрдан бошлаб Тошкентдаги базада янги мураббий бошчилигида тайёргарликни бошлайдилар, 9-22 январда эса БАА ўқув-машқ йиғинига йўл олиб, бу ерда бир неча назорат ўйинлари ўтказадилар. Ҳозирча рақиблардан фақат биттаси маълум. 15 январда Хитой суперлигасининг “Хенан Жианье” клуби билан ўйин режалаштирилган”, - деб хабар қилади клуб матбуот хизмати.
Эслатиб ўтамизки, 2015 йил октябри ўртасида Вадим Абрамов кетганидан сўнг М.Йеличич вақтинчалик “Локомотив” клубининг бош тренери вазифасини бажариб турган эди.
