Бастаддаги АТР турнирида Истомин Альмагро билан кортга чиқади
Тошкент. 23 июл. ЎзТАГ – Бастаддаги АТР турнирининг биринчи доирасида ўзбекистонлик теннисчи Денис Истомин аргентин Диего Шварцманнинг 6:3, 6:4 ҳисобларида енгди ва бугун испан Николас Альмагро билан кортга тушади. Истомин рақибини бундан олдин уч карра енгган, деб хабар беради Ўзбек телеграф агентлиги (ЎзТАГ).
Дениснинг рақиби иккинчи доирада ўз ватандоши Фернандо Вердаскони уч сет давом этган баҳсда мағлуб қилди.
29 ёшли Николас ҳозирда яхши ҳолатда эмас ва жаҳон теннис рейтингида 138-ўринда. Унинг АТР рейтингидаги энг яхши натижаси 2011 йилдаги 9-ўрин.
Ўз навбатида, 28 ёшли Денис ҳеч қачон рейтингнинг кучли ўнталигига қирмаган. Унинг энг яхши натижаси 2012 йил ёзда қайд этилган 33-ўрин.
Бундан ташқари, Альмагро ўзбекистонлик теннисчидан 1 кун кўп дам олади. Чунки у Вердаскога қарши 21 июлда ўйнаган. Истомин эса куни-кеча – 22 июлда кортга тушди.
Денис ва Николаснинг барча учрашувлари ўзбекистонлик теннисчининг катта устунлиги остидан ўтган бўлиб, испан спортчиси фақат бир сетда ғалаба қилган холос.
