Beeline “Аэрофлот” ва бошқа бир неча авиакомпаниялар бортларида роуминг хизматлари кўрсата бошлади

Тошкент. 23 июн. ЎзТАГ – Ўзбекистонда Beeline савдо белгиси остида ишловчи Unitel йирик алоқа оператори “Аэрофлот” ва бошқа бир неча авиакомпаниялар бортларида роуминг хизматлари кўрсата бошлади. Бу ҳақида компания матбуот хизмати хабар қилмоқда.

Бунга OnAir компанияси билан ҳамкорлик туфайли эришилди.

Самолёт бортидаги роуминг хизмати нарҳлари ўзгармасдан қолгани ҳам таъкидланмоқда. Хусусан, кириш қўнғироқлари дақиқаси $7,98, Ўзбекистонга чиқиш қўнғироғи дақиқаси $6,96, бошқа мамлакатларга чиқиш қўнғироғи дақиқаси $8,40, бир чиқиш SMS $1,26, GPRS (1 Мб) $27га тенг.

Аввал хабар берилишича, Beeline роуминги Британиядаги AeroMobile мобил оператори билан ҳамкорликда Transaero, British Airways, Air France, Lufthansa, KLM, SAS, Emirates, Virgin Atlantic, Qatar Airways, Etihad Airways, Singapore Airlines, Aer Lingus ва Eva Air компаниялари ҳаво кемаларида амал қилмоқда.

Эслатиб ўтамизки, Unitel – Vimpelcom Ltd ОАЖ Ўзбекистонда Beeline савдо белгиси остида ишловчи шўъба корхонасидир. Бугунда у мамлакатдаги энг йирик мобил алоқа операторидир.

2015 йилнинг 1 апрелига келиб компания абонентлари сони 10,356 млн кишини ташкил қилди.