Beeline мобиль алоқа оператори тошкентлик абонентларнинг sim-карталарини бепул алмаштирмоқда
Дата: 18:30, 02-03-2017.
Тошкент. 2 март. ЎзТАГ – Ўзбекистондаги Beeline мобиль алоқа оператори 30 апрелгача тошкентлик абонентларнинг sim-карталарини замонавий USIM 4G карталарига бепул алмаштирмоқда, деб хабар беради Ўзбек телеграф агентлиги (ЎзТАГ).
LTE технологиясини қўллаб қувватловчи USIM sim-карталарни ширкатнинг пойтахтдаги идораларида алмаштириб олиш мумкин.
Эслатиб ўтамизки, “Beeline” бренди Unitel МЧЖнинг Ўзбекистон Республикасидаги савдо маркасидир. Unitel компанияси 1996 йилда ташкил қилинган. Unitel МЧЖ 2006 йил сентябрдан бошлаб “Beeline” бренди билан хизматлар кўрсатади.
2016 йил бошида ширкатнинг мижозлари сони 10 млн киши атрофидани ташкил қилган.
