Beelineнинг Ўзбекистондаги абонентлари квартира ютиб олиш имкониятига эга бўлдилар

Тошкент. 9 июл. ЎзТАГ – 2014 йилнинг июлидан бошлаб Beeline ягона алоқа оператори (Unitel МЧЖ ва Buzton ҚК) Ўзбекистондаги абонентлари орасида “Инновация” суперакциясини бошлади. Акциядаги асосий соврин икки хонали квартирадан иборат, дея хабар беради Ўзбек телеграф агентлиги (ЎзТАГ).
Компаниядан хабар қилишларича, акция операторнинг 8 йиллигига бағишланган бўлиб, 6 ой давом этади. Ҳар ойлик суперсовринлар ўйинида иштирок этиш учун алоқа хизматларига бир ойда камида бир марта хафтасига $2,5дан зиёд маблағ сарфлаб Beelineнинг фаол абоненти бўлиш лозим.
6 квартиранинг ҳар бири Ўзбекистон фуқароси бўлган ғолибнинг доимий яшаш жойидан сотиб олиб берилади. Совринлар август ойидан бошлаб марказий телеканаллардан бирининг жонли эфирида ўйналади.
Бош совриндан ташқари ҳар ойда йирик пул ютуқлари ҳам ўйналади. Ғолиблар ошкора равишда жонли эфирга қўнғироқ қилиб тушган абонентларнинг тасодифий танлаши орқали аниқланади.
Жонли эфирда барча 7 рақами тўғри келган абонент эса квартира эгаси бўлади. 6 рақам тўғри келса 2 млн сўм, 5 рақам тўғри келса 1 млн сўм ютуққа эга бўлади.
Эслатиб ўтамизки, март ойи охирига келиб, Beelineнинг Ўзбекистондаги мижозлари сони 10,422 млн кишига тенг.