Beelineнинг Ўзбекистондаги бўлимига янги бош директор тайинланди

Тошкент. 15 январ. ЎзТАГ – Владимир Петров Ўзбекистона “Beeline” савдо белгиси остида ишловчи “Unitel” компаниясининг янги бош директори этиб тайинланди, дея хабар беради Ўзбек телеграф агентлиги (ЎзТАГ).

“Бундан олдин Петров VimpelCom Lao Co., Ltd (Лаосдаги “Beeline”) ширкатини бошқарган. У фаолиятини VimpelCom компаниясидан ташқарида давом эттиришни истаган Александр Воробьевнинг ўрнини эгаллади”, – деб таъкидлашди мобил алоқа оператори матбуот хизматида.

“Менга билдирилган ишончини юқори қадрлайман. Чунки Unitel – VimpelCom таркибидаги энг муваффақиятли ва жадал ривожланаётган компаниялардан биридир. Абонентлар биздан алоқа сифати, янги технологиялар, мижозлар эхътиёжларини кўра билиш ва бизнес юритишдаги тўлиқ шаффофлик кабиларни кутмоқдалар ва мен уларнинг ишончини оқлаш учун қўлимдан келган барча ишни қиламан”, – деб таъкидлади Владимир Петров.