Beelineнинг Ўзбекистондаги сall-маркази 6 ойда 28 млн мурожаатларга жавоб берди

     Тошкент. 24 июл. ЎзТАГ – 2014 йилнинг биринчи ярим йилида Beeline (Unitel МЧЖ ва Buzton ҚК) ягона алоқа операторининг Мижозларга хизмат кўрсатиш хизмати 28 млндан ортиқ қўнғироқларга хизмат кўрсатди, дея хабар беради Ўзбек телеграф агентлиги (ЎзТАГ).
     Компаниядан хабар қилишларича, ушбу даврда деярли 6 млнга яқин қўнғироқларга операторлар томонидан хизмат кўрсатилди. Автоматлашган ахборот тизимлари эса абонент сўровларининг қарийб 79%-ининг тўлиқ ишловини таъминлади.
     Unitel‘нинг Мижозларга хизмат кўрсатиш хизмати раҳбари Людмила Чайковскаянинг сўзларига кўра, сўнги ойлар давомида cаll-марказимизга келиб тушаётган қўнғироқларнинг сони анча камайган. Хусусан, ўтган йилнинг шу даврга нисбатан бўлган маълумотларни солиштирилганда мурожаатлар сони деярли 30%га озайган.
     Энг кўп учрайдиган сўровларга келсак, 2014 йилнинг биринчи ярим йиллигининг энг оммабоп мурожжатлари тўлов усуллари, интернет-пакетлар ва мобил интернет созламалари, қўшимча хизматлар, USSD-кодлар ва тариф шартлари ҳақида бўлди.
     Эслатиб ўтамизки, 2014 йилнинг биринчи чораги якунларига кўра Beelineнинг Ўзбекистондаги мижозлари сони 10,422 млн кишига тенг.