Беларусь президенти икки мамлакат иқтисодиётларининг бир-бирига эҳтиёжи борлигини таъкидлади
Тошкент. 7 октябр. ЎзТАГ – Бизнинг иқтисодиёт сизнинг иқтисодиётга, сизнинг иқтисодиётингизнинг эса бизнинг иқтисодиётга эҳтиёжи бор, деди Беларусь президенти Александр Лукашенко Ўзбекистон Республикаси Президенти вазифасини бажарувчи Шавкат Мирзиёев билан Самаркандда учрашувида, деб хабар беради Ўзбек телеграф агентлиги (ЎзТАГ).
“Биз муносабатлар ва иқтисодиётда бир оз кечга қолдиқ. Яқин бир, икки ёки уч йил ичида ушбу кулгили товар айланмасидан ўтиб кетишимизга аминман. Бизда улкан салоҳият мавжуд. Шу сабабли биз ҳукуматни шакллантириб, президент сайловларини ўтказиб олинганидан сўнг келишиб, бизнинг расмий ташрифимиз доирасини белгилаб оламиз”, - деб иқтибос келтиради БЕЛТА агентлиги А.Лукашенконинг сўзларидан.
Беларусь президентининг сўзларига кўра, 6 октябрда унинг Ўзбекистонга расмий сафари бошланиши зарур эди. “Мен ушбу ташрифни олдиндан режалаштирмаган эдим. Фақат бугун самолётда қайдларни очиб кўриб, 6-8 октябрда шу ерда Ислом Абдуғаниевич билан учрашмоқчи эканлигимизни ва муаммоларимизни муҳокама қилмоқчи эканлигимизни билиб қолдим. Албатта, ушбу ташриф бундай ташриф бўлмаслиги зарур эди. Лекин ҳаёт давом этади. Бизнинг сиз билан вазифамиз ўзбек ва белорус халқлари муносиб муносабатларга эга бўлишини таъминлашдан иборат. Ва биз бу ишни қиламиз. Бу унинг хотираси учун яхши бўлади”, - деб таъкидлади А.Лукашенко.
Ўз навбатида, Шавкат Мирзиёев Александр Лукашенкога Самарқандга ташрифи ва Беларусь ва ушбу давлат раҳбарининг Ўзбекистонга кўрсатган самимий кўмаги учун миннатдорчилик билдирди. “Беларусь – бизнинг ишончли, самимий, қадим ҳамкоримиз ва дўстона мамлакат. Бугун ўртамиздаги мавжуд товар айланмаси сизларни ҳам, бизларни ҳам қониқтирмайди. Биз учун ўсиши учун зарур нуқталарни топишимиз лозим”, - деб таъкидлади Ш.Мирзиёев.
