Беларуснинг “Коммунарка” қандолатчилик фабрикаси “Ангрен” ЭИҲ фаолияти билан қизиқиб қолдилар
Дата: 18:20, 16-12-2016.
Тошкент. 16 декабр. ЎзТАГ – Беларуснинг “Коммунарка” қандолатчилик фабрикаси вакиллари “Ангрен” эркин иқтисодий ҳудуди (ЭИҲ) фаолияти билан қизиқиб қолдилар, деб хабар беради Ўзбек телеграф агентлиги (ЎзТАГ).
“Ангрен” ЭИҲ сайтида ёзилишича, беларуслик меҳмонлар “Ангрен шакар” хорижий корхонаси фаолияти ҳамда бу ерда хорижий ва маҳаллий инвесторлар учун яратилган шарт-шароитлар билан танишганлар.
Эслатиб ўтамизки, “Коммунарка” фабрикаси Беларусдаги энг йирик кондитер маҳсулотлари ишлаб чиқарувчиларидан бири ҳисобланади. У “Белгоспищепром” давлат озиқ-овқат саноати концерни таркибига киради.
Йилига корхонада 200 номдан ортиқ 25 минг тоннагача маҳсулот ишлаб чиқарилади.
