“Бинокор” хоккей клуби Сочидаги турнирнинг кумуш совриндори бўлди
Дата: 11:57, 02-06-2017.
Тошкент. 2 июн. ЎзТАГ – “Бинокор” хоккей клуби Сочидаги “Чемпионлар планетаси” халқаро турнирининг кумуш совриндори бўлди, деб хабар беради Ўзбек телеграф агентлиги (ЎзТАГ).
Турнирда илк марта қатнашган “Бинокор”дан (Тошкент) ташқари мусобақада “Буран-Ветеранлар” (Воронеж), “Сочи-1” ва “Сочи-2” (Сочи) жамоалари иштирок этди.
Ўзбекистон жамоаси мусобақанинг илк кунида сочи жамоаларини 11:2 ва 7:4 ҳисобларида енгди. Иккинчи босқичда эса “Буран-Ветеранлар” жамоасини 21:3 ҳисобида ютди. Финал ўйинда эса “Бинокор” чемпионликни қўлга киритган “Сочи-1” клубига (3:2) енгилди.
Ўзбекистонлик жамоа ўйинчиси Ҳайритдин Алимхўжаев 10 гол уриб, 7 самарали тўп етказиб бериб турнининг энг яхши тўпурари бўлди.
