Бир ҳафта ичида Ўзбекистонда ёнғинлардан 1 киши қурбон бўлди ва 7 киши жароҳат олди

Тошкент. 13 май. ЎзТАГ – 2016 йилнинг 2-8 майида Ўзбекистонда 149 ёнғин рўйхатга олинди, уларда 1 киши қурбон бўлди ва 7 киши турли даражадаги жароҳат олди, деб хабар беради Ўзбек телеграф агентлиги (ЎзТАГ) мамлакат ИИВ хабарига асосланган ҳолда.

Ёнғин бўлинмаларининг тезкор ҳаракатлари орқали 371 млн сўмдан ортиқ қурилиш конструкциялари ва деярли 502 млн сўмлик моддий бойликлар ёнғиндан сақлаб қолинган.

Мутахассисларнинг таъкидлашича, ёнғинларнинг кўпчилиги фуқароларнинг бепарволиги натижасида келиб чиқмоқда. Масалан, Бухоро вилоятининг Қоракўл туманида яшовчи С.Икромовнинг ўйида электр симдаги қисқа туташув натижасида ёнғин келиб чиққан. Олов 48 кв. метрдаги қурилиш конструкциялари ва уй жиҳозларини йўқ қилган.

Худди шу сабабли юз берган ёнғин Тошкент вилояти Қибрай туманида яшовчи Г.Муродованинг уйида ҳам келиб чиққан. Натижада олов уй томининг 40 кв. метрдаги қурилиш конструкцияларини ҳамда қўшниларнинг 20 кв. метр томини ҳам куйдирган.

Қашкадарё вилояти Қарши туманида яшовчи Р.Ғаниев маст ҳолда чекиб, ёнғинга сабаб бўлган. Натижада уй эгаси куйган ҳолда касалхонага ётқизилган.