Бир йилда “Orient Finans” ўзбек банки низом капиталини 87,51% кўпайтирди

Тошкент. 13 ноябр. ЎзТАГ – 2014 йилда “Orient Finans” ўзбек хусусий акционерлик тижорат банки низом капиталини 87,51% кўпайтириб, 42 млрд сўмга етказди. 2013 йилда ушбу кўрсаткич 22,4 млрд сўмга тенг эди, деб хабар беради Ўзбек телеграф агентлиги (ЎзТАГ).

Ушбу маълумотлар банкнинг 2014 йилдаги иш якунларини баҳолаган “Ahbor-Reyting” рейтинг агентлиги (РА) ҳисоботида келтирилган. РА маълумотига кўра, бир йилда “Orient Finans”нинг ўз капитали деярли 2,5 бараварга ўсиб, 64,5 млрд сўмга етган.

Бундан ташқари, 2015 йилнинг II чоригада банк капитал базасини кўпайтиришда давом этган, натижада банкнинг ўз капитали йил бошидагига нисбатан 1,4 бараварга ўсиб, 91,9 млрд сўмга етган.

“Orient Finans” Ўзбекистон Марказий банкининг 2010 йил 19 июлдаги 81 сонли лицензияси асосида фаолият юритади.